ಹೋಟೆಲು ಮಯೂರ ಚಾಲುಕ್ಯ, ಬದಾಮಿ

ಕಲ್ಲಿನ ಕೆತ್ತನೆಯಿಂದ ನಿರ್ಮಿಸಿರುವ ಅತ್ಯಂತ ಸುಂದರ ದೇವಸ್ಥಾನಗಳನ್ನು ಬದಾಮಿಯಲ್ಲಿ ಕಾಣಬಹುದು. ತುಕ್ಕು-ಕೆಂಪು ಕಡಿದಾದ ಬಂಡೆಯ ಮುಖದಿಂದ ಕೆತ್ತನೆ ಮಾಡಿರುವ ದೇವಸ್ಥಾನಗಳು, ಭಕ್ತಿಯ ಮಾರ್ಗವನ್ನು ಮಾತ್ರ ತೋರಿಸುವುದಿಲ್ಲ, ಆದರೆ ಈ ಐತಿಹಾಸಿಕ ಸ್ಮಾರಕಗಳ ನಿರ್ಮಾಣಕ್ಕಾಗಿ ಕಠಿಣ ಪರಿಶ್ರಮದಿಂದ ನಿರ್ಮಾಣ ಮಾಡಿದ ಚಾಲುಕ್ಯರ ಕೆತ್ತನೆಯ ಶೈಲಿಯನ್ನೂ ಸಹ ತೋರಿಸುತ್ತವೆ. ಮೆಟ್ಟಿಲುಗಳು ಮೊದಲ ಗುಹ್ಯಾಂತರ ದೇವಾಲಯಕ್ಕೆ ಕರೆದುಕೊಂಡು ಹೋಗುತ್ತವೆ, ಅದನ್ನು ಕೈಲಾಸೇಶ್ವರ ಶಿವನಿಗೆ ಅರ್ಪಿಸಲಾಗಿದೆ ಹಾಗೂ 18 ಕೈಗಳಿಂದ 81 ನಾಟ್ಯ ಭಂಗಿಗಳನ್ನು ತೋರಿಸುತ್ತಿರುವ  ನಟರಾಜನ ವಿಗ್ರಹವಿದೆ. ನಂತರದ ಎರಡನ್ನು ಭಗವಂತ ವಿಷ್ಣುವಿಗೆ ಅರ್ಪಿಸಲಾಗಿದ್ದು, ಅದರಲ್ಲಿ ಮೂರನೆಯದು ದೊಡ್ಡದಾಗಿದ್ದು ಮತ್ತು ವಿಫುಲವಾದ ಅಲಂಕಾರಗಳಿಂದ ಕೂಡಿದ ಕೆತ್ತನೆಗಳನ್ನು ಹೊಂದಿದೆ. ನಾಲ್ಕನೆಯ ದೇವಸ್ಥಾನವು ಜೈನ ಪ್ರತಿಮೆಗಳನ್ನು ಹೊಂದಿದೆ. ಕರ್ನಾಟಕ ಹೋಟೆಲು, ಬದಾಮಿಯು ಬಸ್ಸು-ನಿಲ್ದಾಣದ ಸಮೀಪವಿದ್ದು ಕೊಠಡಿಗಳ ಎರಡು ಬ್ಲಾಕುಗಳನ್ನು ಹೊಂದಿದೆ. ಒಂದು ಬ್ಲಾಕು ಇಬ್ಬರು ತಂಗಬಹುದಾದ 10 ಕೊಠಡಿಗಳನ್ನು ಹಾಗೂ 4 ಅತ್ಯುತ್ತಮ ಗುಣಮಟ್ಟದ ಕೊಠಡಿಗಳನ್ನು ಹೊಂದಿದೆ. ಮತ್ತೊಂದು ಬ್ಲಾಕು ಇಬ್ಬರು ತಂಗಬಹುದಾದ 4 ಕೊಠಡಿಗಳನ್ನು ಹಾಗೂ ಮೂವರು ತಂಗಬಹುದಾದ 2 ಕೊಠಡಿಗಳನ್ನು ಹೊಂದಿದೆ.  ಹೋಟೆಲು ಸಂಕೀರ್ಣವು ಒಂದು ಊಟ-ಉಪಹಾರ ಗೃಹ ಮತ್ತು ಒಂದು ಬಿಯರ್ ಪಾರ್ಲರ್ ಅನ್ನು ಹೊಂದಿದೆ.